Kryetari i Partisë Demokratike, Sali Berisha, ka reaguar pas prezantimit të kabinetit të ri qeveritar nga kryeministri Edi Rama, duke e akuzuar këtë të fundit se po mbështet “teorinë e pushtetit permanent”.
Në fjalën e mbajtur para grupit parlamentar të PD-së, Berisha tha se Rama po e përdor praninë e opozitës në Kuvend thjesht si një “stoli” për të legjitimuar qëndrimin e tij në pushtet deri në vitin 2050..
Ai e cilësoi vendimin e kryesisë së PD-së për hyrjen në Kuvend si një “vendim jo të lavdishëm”, duke shtuar se shumë demokratë kanë shprehur pakënaqësi për këtë hap.
Berisha gjithashtu akuzoi rëndë parlamentin aktual, të cilin e quajti “narko-parlament”, duke pretenduar se në të janë të përfaqësuar grupe kriminale dhe individë të përfshirë në afera korruptive.
