Policia e Fierit ka vënë në pranga gjashtë persona, tre prej të cilëve ishin të shpallur në kërkim, për vepra të ndryshme penale, duke përfshirë kultivim të kanabisit, vjedhje dhe largim nga vendi i qëndrimit për të burgosurit.
Arrestimet përfshijnë raste të aksidenteve rrugore, mashtrime me prona, si dhe konflikte për çështje pronësie.
Në pranga ka rënë Batjar Hasanbashaj, 45 vjeç, nga fshati Drenovë, i cili dyshohet për kultivim të bimëve narkotike në oborrin e shtëpisë së tij.
Gjithashtu, është arrestuar Fatmir Kuqo, 47 vjeç, banues në fshatin Vidhishtë, i cili ishte dënuar nga gjykata me 8 muaj burg për veprën penale “Vjedhja”.
Në pranga ka rënë edhe një 17-vjeçar, për të cilin Gjykata e Fierit kishte caktuar masën e sigurisë “arrest me burg” për veprën penale “Largimi i të burgosurit nga vendi i qëndrimit”.
Gjithashtu raportohet se në pranga ra edhe I. K., 58 vjeç, drejtues i një automjeti që përplasi një 4-vjeçar në fshatin Marinëz. I mituri ndodhet jashtë rrezikut për jetën. Ndërkohë L. K., 20 vjeç, Lushnjë dhe E. L., 41 vjeç, Cakran – u kapën duke drejtuar motomjete pa leje.
