Ëështë zbardhur dinamika e atenatit të regjistruar mëngjesin e kësaj të hëne, rreth orës 08:50, në lagjen “Qemal Stafa”, në ambientet e jashtme të një lokali, pranë shkollës “Kole Idromeno” në Shkodër.
Burime bëjnë me dije se autori 28-vjeçar Ragip Gila, dyshohet se ka mbajtur nën vëzhgim dhe në ndjekje shënjestra dhe pasi ata janë ulur në lokal, ai është afruar me motor dhe me skafandër në kokë, është futur në këmbë brenda lokalit dhe ka hapur zjarr me breshëri kallashnikovi, duke lënë dy të vdekur dhe dy të plagosur. Mësohet se ai ka patur edhe jelek anti-plumb me vete, si dhe dy armë, në rast se i bllokohej njëra prej tyre.
Më pas, “killeri” ka dalë nga dera dytësore e lokalit, duke braktisur motorin në vendin e ngjarjes dhe ka ecur në këmbë me armë në dorë për afro 300 metër nga lokali në pjesën e rrugës Don Bosko deri në Perash.
At më pas ai i ka drejtuar armë në kokë një qytetari dhe i ka grabitur një automjet tip “BMW” ngjyrë gri. Gjatë tentativës për t’u arratisur me automjetin e grabitur, Ragip Gila ka bër një aksident në zonën e Sarreqit. Aty ai është pikasur direkt nga Policia, për shkak se kishte skandafër në kokë dhe ka braktisur automjetin e aksidentuar, duke tentuar arratisjen në këmbë.
Uniformat e policisë janë vënë në ndjkje të tij, duke e rrethuar dhe kapur në zonën e njohur si “Zalli i Kirit”, tek shinat e trenit në shtratin e lumit Kir , disa kilometra larg vendit të atenatit.
Kujtojmë se shënjestër e atenatit dyshohet se ka qenë 43-vjeçari Erogen Vaso alias Brajoviç, i cili mbeti i plagosur, ndërsa u vra truproja i tij, 31-vjeçari Liridon Kraja alias Lushi. Po ashtu, i vrarë mbeti edhe punonjësi i IMT-së Armando Pali, ndërsa u plagos lehtë dhe shtetasja Meri Kaceri, 25 vjeçe, e cila dyshohet se punonte si kamariere në lokal.
28-vjeçari Ragip Gila nuk është një emër i panjohur për Policinë apo drejtësinë, pasi konsiderohej si anëtar i grupeve kriminale në kryeqendrën e veriut.
Ai rezulton se është arrestuar edhe më 6 dhjetor të vitit 2023, pasi në banesën ku jetonte iu gjetën sende që përdoreshin nga grupe kriminale për vepra të ndryshme në Shkodër si jelekë anti-plumb, maska, paruke, armë e municion dhe sasi të lëndëve narkotike.
Më konkretisht, në kuadër të operacionit “Imazhi fals”, në banesën e tij në lagjen “Partizani”, të riut iu gjetën:
• 7 jelekë antiplumb
• 2 palë doreza
• 3 maska
• 2 paruke (të përdorshme për kamuflim gjatë atentateve)
• një armë gjahu
• sasi municioni luftarak
• një sasi lënde narkotike e dyshuar si kanabis
Policia asokohe deklaroi se kjo bazë e armatimit përdorej për të ndihmuar grupe kriminale në përgatitje të ngjarjeve të rënda. Ai kishte vetëm disa muaj që kishte dalë nga burgu në rrethana ende të paqarta.
