Një 27-vjeçar nga Kosova është ndaluar në pikën kufitare të Morinës, pasi rezultonte i dënuar me 10 vite burg nga Gjermania për veprën penale të mashtrimit.
Shtetasi S.M. ishte shpallur në kërkim ndërkombëtar nga autoritetet gjermane dhe ndalimi i tij u bë gjatë kontrolleve të rregullta kufitare në hyrje të Shqipërisë.
Pas verifikimeve të kryera dhe informacionit të shkëmbyer me Interpolin, u konfirmua se ndaj tij ekzistonte një urdhër-arrest ndërkombëtar i Gjykatës së Mynihut.
Aktualisht, po vijojnë procedurat për ekstradimin e 27-vjeçarit drejt Gjermanisë, ku do të vuajë dënimin e dhënë nga autoritetet gjermane.
