Kryeministri Edi Rama I ftuar në “Opinion”, ka lajmëruar nisjen e projektit të “Qyteteve Inteligjente”, i cili do të monitorojë rrugët dhe shkollat me kamera për të identifikuar qytetarët që hedhin plehra dhe mungesat në klasë. Rama u shpreh: “Do shohim kush hedh plehrat. Do monitorohen shkollat dhe klasat. Kush mungon e kush jo.”
Rama: Prej 3 vitesh gjatë sezonit të verës nuk pastrojnë me forcat e tyre por me forcë mbështetëse nga qeveria. Prandaj plazhet dhe rrugët janë më të pastra. Por qeveria nuk i mban dot duart shqipove të Shqipërisë, Kosovës dhe Maqedonisë së Veriut. Për pak ditë do fillojme zbatimin e projektit të “qyteteve inteligjente” dhe monitorimin e rrugëve me kamera. Do shohim kush hedh plehrat. Do monitorohen shkollat dhe klasat. Kush mungon e kush jo.
Rama është sy-katër për çdo mbeturinë në rrugë, por duket të jetë sy-qorr për skandalet dhe vjedhjet e zyrtarëve të lartë të qeverisë, përfshirë Erion Veliajn, Arben Ahmetajn dhe Ilir Beqajn, etj. Këta të fundit akuzohen për abuzime të shumta, por sipas kritikëve Rama nuk ndërmerr asnjë veprim, duke treguar prioritetet selektive të administratës.
