Një grua 39-vjeçare me origjinë nga Kosova, A. I., ka ndërruar jetë më 21 gusht 2025, pas transportit nga Spitali Rajonal i Lezhës në Spitalin e Traumës në Tiranë.
Sipas informacionit zyrtar, gruaja ishte paraqitur në spitalin e Lezhës në gjendje të rëndë dhe mori ndihmën e parë mjekësore, por për shkak të përkeqësimit të gjendjes, u dërgua në kryeqytet për trajtim të specializuar.
Autoritetet dyshojnë se vdekja mund të ketë ardhur si pasojë e një arresti kardiak, ndërsa presin rezultatet e ekspertizës mjeko-ligjore për të përcaktuar shkakun e saktë.
