Motra e 36-vjeçares shqiptare, Marjola Nakoleci, e cila u vra dje nga bashkëshorti i saj, ka dhënë detaje mbi ngjarjen e rëndë dhe dhunën që familja kishte përjetuar më parë.
Ajo ka deklaruar për Euronews Albania se autori i krimit, 40-vjeçari Pandeli Nakoleci, nuk kishte probleme të shëndetit mendor, por ushtronte dhunë psikologjike ndaj fëmijëve dhe gruas së tij. “Ai nuk ishte i sëmurë nga mendja, por bënte çfarë i vinte për mbarë. Fëmijët kishin frikë të rrinin me të në shtëpi. Motra ime e çoi te psikiatri, por gjithçka doli në rregull”, tha motra e viktimës.
Vrasja ndodhi në pallatin ku jetonin në rrugën Konstanta në Volos. Sipas raportimeve, sherri filloi brenda apartamentit dhe më pas u zhvendos në hyrje të pallatit, ku 40-vjeçari goditi gruan me thikë në qafë dhe shpinë. Ngjarja ka ndodhur në sy të njërit prej katër fëmijëve, ndërsa të tjerët ishin brenda në banesë.
Pas krimit, autori u largua dhe vijon puna për kapjen e tij nga policia greke. Raportohet se ai ka qenë përdorues droge dhe ka pasur histori të mëparshme me shkelje ligjore, përfshirë pjesëmarrje në organizata kriminale dhe shkelje të ligjeve për drogë. Në fund të qershorit 2025, ai ishte shtruar për ekzaminim psikiatrik në një klinikë.
