Një 49-vjeçare e shpallur në kërkim është arrestuar nga policia e Durrësit.
Sipas policisë, shtetasja A. H., banuese në Durrës, ishte me masë sigurie “arrest në shtëpi”, por e ka shkelur këtë masë dhe është përfshirë në një ngjarje ku dyshohet se ka ofruar marrëdhënie seksuale kundrejt pagesës një 44-vjeçari.
Më pas në bashkëpunim me një 40-vjeçar tjetër, dyshohet se i kanë marrë me dhunë 44-vjeçarit një celular dhe një shumë parash.
49-vjeçarja akuzohet për veprat penale “Vjedhja me dhunë”, kryer në bashkëpunim, “Prostitucioni” dhe “Largimi i të burgosurit nga vendi i qëndrimit”.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
