Policia e Shkodrës ka arrestuar dy persona pas aksidentit të rëndë të ndodhur mesditën e djeshme në aksin rrugor Shkodër–Lezhë, ku një person humbi jetën.
Të arrestuarit janë shtetasi H. Sh., 63 vjeç, dhe A. H., 22 vjeçe, të dy banues në Shkodër. Ata ndodhen aktualisht në Spitalin Rajonal Shkodër, pasi pësuan dëmtime nga aksidenti.
Sipas njoftimit të Policisë, ata po hetohen për veprën penale “Shkelja e rregullave të qarkullimit rrugor”, me pasojë vdekjen.
Ngjarja ndodhi kur një kamion u përplas fillimisht me një automjet dhe më pas me një tjetër, duke shkaktuar dëme të rënda materiale dhe vdekjen e një prej shoferëve. Një nga automjetet u copëtua si pasojë e goditjes.
LEXO EDHE:
Aksident i rëndë në Shkodër-Bushat, humb jetën një person dhe plagosen dy të tjerë
