Tre shqiptarë, dy burra dhe një grua, humbën jetën në një aksident tragjik në aksin Komotini-Ksanthi, në Greqi, ndërsa disa të tjerë mbetën të plagosur.
Ngjarja ndodhi mesditën e së hënës, në kilometrin 537.5 të autostradës Egnatia, kur një kamion u përplas me dy automjete të ndalura, të cilat ishin në një radhë prej rreth 600 metrash. Përplasja shkaktoi zjarr të madh, duke përfshirë automjetet dhe duke marrë jetën e tre pasagjerëve.
Sipas raportimeve të mediave greke, viktimat udhëtonin nga Epiri drejt Evros, për të marrë pjesë në një dasmë, dhe aksidenti ndodhi gjatë kthimit të tyre.
Dëshmitarët okularë tregojnë se pasagjerët bërtisnin për ndihmë, por askush nuk arriti t’i nxirrte nga automjetet që po digjeshin. Një nga makinat u përfshi menjëherë nga flakët, ndërsa shoferët që kalonin aty pranë thonë se ndiheshin të pafuqishëm përballë zjarrit.
LEXO EDHE:
