Sherr në Korçë, arrestohen 3 persona, shoqërohen 7 të tjerë

Tre persona janë arrestuar në Korçë pasi u përfshinë në një sherr dhe më pas kundërshtuan punonjësit e policisë.

Ngjarja ndodhi gjatë natës, në lagjen nr. 17, aty ku po zhvillohej Festa e Birrës. Sipas burimeve zyrtare, personat e përfshirë janë shoqëruar në Komisariat, por kanë kundërshtuar me forcë uniformat blu.

Të arrestuarit janë:

1. M., 51 vjeç
2. M., 23 vjeç
3. B., 40 vjeç
   (të tre nga fshati Zëmblak)

Ata do të hetohen për akuzat “Kundërshtimi i punonjësit të policisë së rendit publik” dhe “Plagosja e lehtë me dashje”, kryer në bashkëpunim.

Ndërkohë, shtatë persona të tjerë u proceduan në gjendje të lirë, pasi dyshohet se penguan shoqërimin e të arrestuarve. Bëhet fjalë për shtetasit A. P., 21 vjeç, A. P., 30 vjeç, B. H., 18 vjeç, D. M., 35 vjeç, G. B., 19 vjeç, L. M., 39 vjeç dhe Xh. H., 25 vjeç.