Pesë persona janë përfsdhirë në një konflikt masiv paraditen e kësaj të shtune në Laç, teksa dyshohet se ka patur edhe të shtëna me armë zjarri.
Ngjarja ka ndodhur rreth orës 11:00, në rrugën “Kurbini”, teksa Policia ka arrestuar njërin prej tyre, ndërsa 4 të tjerë janë shpallur në kërkim.
Në pranga është vënë shtetasi Klajdi Rryta alias Klajdi Tusha, 37 vjeç, banues në Tiranë, të cilit raportohet se në momentin kur është kapur, i është gjetur dhe një armë zjarri e tipit “Glock”, me fishek në fole gati për qitje.
Ndërkohë në kërkim janë shpallur shtetasit G. D., 27 vjeç, banues në Tiranë; E. Sh., 29 vjeç; E. Sh., 34 vjeç; si dhe E. R., 32 vjeç, banues në Laç, të përfshirë në konfliktin masiv.
Policia thotë se nën drejtimin e Prokurorisë vijon puna për dokumentimin e plotë të ngjarjes dhe identifikimin e personave të tjerë të përfshirë në konflikt, nga i cili nuk ka të dëmtuar.
Materialet janë referuar në Prokurorinë e Lezhës për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Prishja e qetësisë publike”, të kryera në bashkëpunim.
