Katër punonjës policie në Kosovë janë pezulluar nga detyra pas vrasjes së trefishtë që ndodhi në Gjilan.
Në një komunikatë zyrtare bëhet me dije se ka nisur një hetim paraprak për të verifikuar nëse ndonjë prej punonjësve të policisë ka pasur përfshirje në ngjarjen kriminale. Personi i dyshuar për këtë vrasje tashmë është shpallur në kërkim.
“Për të ruajtur integritetin e hetimit dhe për të shmangur çdo ndikim mbi dëshmitarë apo prova, Inspektorati Policor i Kosovës ka rekomanduar suspendimin e katër zyrtarëve policorë të Drejtorisë Rajonale të Policisë në Gjilan,” thuhet në njoftim.
