Duhej të ishte një leksion futbolli, por rezultoi përballje grushtesh. Real Betis dhe Como dhuruan një nga skenat më të turpshme të viteve të fundit në fushën e futbollit. Ndeshja në Kadiz ishte gjithçka tjetër përveçse miqësore.
Një numër lojtarësh nga të dyja ekipet u përfshinë në një përleshje masive, gjatë së cilës u shkëmbyen shuplaka dhe grushte. Pas fishkëllimës së pjesës së parë, në një moment kur Como po kryesonte 2-0, shpërtheu një skenë në kufijtë e absurdes.
Sherr masiv që solli edhe një moment komik. Cucho Hernandez u fut me vrull, por në vend se të godiste një lojtar të Comos, përfundoi duke goditur shokun e skuadrës, Natan.
Episod që mund të ketë një efekt negativ për ata që u përfshinë, nëse gjyqtari kryesor vendos ta çojë çështjen më tej. Pritet pezullim nga të dy kampet, për të munguar në fillimin e sezonit të ri. Nëse do të ketë ndonjë pezullim nga kjo për Betisin, kandidatët e mundshëm janë Bellerin, Fornals dhe Cucho, dhe ky do të ishte një lajm i tmerrshëm për trajnerin Manuel Pellegrini.
Ky i fundit pritet të jetë sulmuesi titullar i klubit për sezonin e ri, ndërsa Fornals është një kandidat kryesor për të luajtur në krahun e djathtë.
