Një ngjarje e rëndë ka ndodhur në Kukës, ku 5 të rinj dyshohet se kanë abuzuar seksualisht me një vajzë 15-vjeçare.
Policia e Kukësit bën më dije se ka arrestuar 4 prej tyre, ndërsa është shpallur në kërkim një 17-vjeçar.
Të arrestuarit janë shtetasit M. Sh., 20 vjeç, E. Sh., 22 vjeç, Sh. P., 28 vjeç dhe S. Ç., 23 vjeç.
“Shërbimet e Komisariatit të Policisë Kukës vunë në pranga shtetasit M. Sh., 20 vjeç, E. Sh., 22 vjeç, Sh. P., 28 vjeç dhe S. Ç., 23 vjeç, si dhe shpallën në kërkim një 17-vjeçar, pasi dyshohet se kanë kryer marrëdhënie seksuale me një 15- vjeçare. Punohet për kapjen e 17-vjeçarit.”, njofton policia.
