Një aksident automobilistik është regjistruar pasditen e kësaj të diele në aksin rrugor Fier- Levan, në afërsi të “ Kthesës së Zhupanit”.
Nga informacionet paraprake mësohet se drejtuesi i një automjeti, dyshohet se ka humbur kontrollin e drejtimit mbi makinën dhe për pasojë mjeti është përplasur me një shtyllë elektrike.
Nga përplasja e fortë ka mbetur i plagosur drejtuesi i automjetit, i cili është transportuar me urgjencë drejt spitalit të Fierit, ku ndodhet nën kujdesin e mjekëve jashtë rrezikut për jetën.
Ndërkohë në vendin e ngjarjes ndodhet policia dhe punonjësit e OSHEE, për të bërë të mundur riparimin e kabujve të tensionit të lartë, të cilët ranë përtokë duke penguar edhe qarkullimin e automjeteve në këtë aks.
