Një 24-vjeçar shqiptar është arrestuar për herë të dytë brenda katër muajsh nga policia italiane, pas kapjes me 40 doza kokainë dhe 4 mijë euro cash. Operacioni u zhvillua nga karabinierët e qytetit Terni, disa ditë më parë.
I ndaluar për një kontroll rrugor në zonën Sabbione, 24-vjeçari ishte i njohur më parë nga autoritetet pasi ishte proceduar në prill për posedim dhe trafik droge. Gjatë kontrollit të kësaj here, policia gjeti 40 doza kokainë të fshehura nën dorezën e marshit të makinës së tij.
Pas kontrollit në automjet, hetuesit shkuan edhe në banesën e tij, ku sekuestruan edhe 4 mijë euro në para të gatshme, të dyshuara si fitime nga trafiku i drogës.
Rasti është në hetim e sipër, ndërsa 24-vjeçari do të përballet me masat ligjore për trafikim të lëndëve narkotike.
