Kryeministri Edi Rama ka vijuar sërish propagandën në rrjetet sociale për heqjen e lavazheve që ndodhen mes lagjeve të qyteteve.
Në një video ku shfaqet një lavazh në një lagje të Tiranës, Rama fton “çunat” që ta heqin vetë, “se nuk ecën më kjo punë kështu”.
Rama shkruan se nëse toka i përket pronarit të lavazhit, duhet të marrin leje për njësi shërbimi brenda rregullave dhe jo për lavazhe në rrugë, në të kundërt, këto hapësira posa të lirohen prej lavazheve do mbillen me pemë.
“Çuna, respekte po e kuptoni edhe vetë që nuk ecën më kjo punë kështu apo jo Turi?
Prandaj hiqini vetë këto që mos merrni edhe gjobë dhe po e patët tokën tuaj, merrni leje për një njësi shërbimi normale brenda rregullave jo për lavazh në rrugë – e deri atëherë toka do rri bosh dhe pastër në shërbim të komunitetit Po s’e patët tokën tuaj, në këto hapësira do mbillen përfundimisht pemë e do vihen stola apo lodra për fëmijët”, shkruan Rama në Facebook.
