Një qytetar ka denoncuar një rast shqetësues zaptimi të hapësirës publike në rrugën “Karl Gega”, në Bulevardin e Ri të Tiranës, në pallatin ku ndodhet portreti i shkrimtarit Ismail Kadare.
Sipas denoncimit të dërguar për JOQ, një subjekt ka ndërtuar një lokal me konstruksion metalik, duke hapur dyer dhe dritare në murin kallkan të pallatit, në kundërshtim me çdo normë urbanistike.
Edhe pse ekziston një vendim për prishjen e ndërtimit, ai nuk është ekzekutuar për shkak të ndërhyrjeve të dyshuara në Inspektoriatin e Mbrojtjes së Territorit (IMT). Qytetari shton se, përveç lokalit, edhe një banor tjetër në të njëjtin pallat ka hapur derë nga dritarja dhe ka shtruar pllaka në një zonë që cilësohet si pronë private.
Denoncimi:
“Keni provuar tashmë që i jepni zë problematikave të qytetarëve si shkak i mosveprimit të institucioneve shtetërore. Se fundmi me nismen e lirimit te hapsirave publike kur ju i publikoni marrin zgjidhje ndaj raportojme kete rast per te marre nje zgjidhje. Ky subjekt ne Bulevardin e Ri rrugen Karl Gega ne pallatin ku eshte portreti i Ismail Kadare ka zene hapesiren shtet duke hapur dyer dhe dritare ne pallat kallkan dhe duke ndertuar lokalin me konstruksion metalik. Duke mos funksionuar instancat shteterore pasi ka vendim prishje por nuk eshte ekzekutuar per shkak te nderhyrjeve ne IMT dhe banori tjeter nga dritare ka hapur dere duke bere dhe shtrim pllakash ne prone private. Kemi pritur nga kjo nisma do prishej po eshte i vetmi ne Bulevardin e Ri qe po ben rezistence per shkak se ka mik te forte! Kemi besim se pas publikimit do kete nje zgjidhje!” – shkruan denoncuesi.
