Tre personat e dyshuar për përfshirje në vrasjen e Anesti Ramës janë paraqitur sot në Gjykatën e Fierit për t’u njohur me masën e sigurisë.
Sipas hetimeve paraprake, krimi makabër dyshohet se është kryer nga vajza e viktimës, 26-vjeçarja Ermalinda Rama, në bashkëpunim me të ëmën, Valbona Rama, dhe partnerin e saj 55-vjeçar, Çlirim Dogani.
Pamjet e siguruara nga momenti i mbërritjes në gjykatë tregojnë fillimisht daljen nga furgoni të Çlirim Doganit, i martuar dhe baba i dy fëmijëve, e më pas nënë e bijë, të prangosura.
Seanca u zhvillua para trupit gjykues të përbërë nga gjyqtarja Klodiana Keyeziu dhe prokurorja Lorena Sallillari.
Të tre të dyshuarit akuzohen për vrasje të rëndë me motive ende të paqarta. Sipas dosjes hetimore, Anesti Rama fillimisht është goditur në pjesën intime me sende të forta dhe më pas është mbytur me tel.
“Mospërputhja e dëshmive të tyre mund të jetë një përpjekje për të fshehur të vërtetën“, shprehet avokati, duke shtuar se ajo që të bie në sy është qetësia e pazakontë dhe mungesa e pendesës në qëndrimet e tyre.
Hetimet vijojnë dhe pritet që analizat e ADN-së të ndihmojnë në zbardhjen e plotë të ngjarjes, veçanërisht për të përcaktuar rolin e saktë të Çlirim Doganit në këtë krim të rëndë.
Hetimet për zbardhjen e plotë të rrethanave dhe motivit të krimit vijojnë nga organet kompetente.
- Vrasja
Dyshohet se vajza fillimisht e ka goditur babanë e saj në organet gjenitale, dhe pasi ai ka rënë në tokë, Dogani e ka mbajtur nga duart teksa ajo e mbyste me tel.
Po ashtu dyshohet se ata kanë përdorur edhe mjete të forta dhe mjete prerëse.
Ndërkohë nëna e 26-vjeçares ka ndihmuar në fshehjen e gjurmëve dhe pastrimin e gjakut nga trupi i viktimës.
Krimi është zbuluar nga përgjimi i telefonit, ku 26-vjeçarja pas ngjarjes ka komunikuar me bashkëpunëtorin e saj, Dogani, që dyshohet se kishte lidhje intime me të. Ky i fundit ishte i martuar dhe baba i dy fëmijëve.
