Edi Rama zhvilloi ditën e sotme një mbledhje me drejtorët e Bashkisë së Tiranës, së bashku me deputetët e këtij Qarku, teksa mes diskutimeve, ka qenë edhe ristrukturimi organizativ i Bashkisë, ashtu siç e paralajmëroi edhe vetë kryeministri përmes një postimi në rrjetet sociale.
Burime për mediat bëjnë me dije se gjatë mbledhjes, Edi Rama u ka kërkuar dorëheqjen nënkryetarëve të Bashkisë së Tiranës, përfshirë edhe Anuela Ristanit, e cila është e komanduar si kryebashkiake në detyrë.
Sipas po të njëjtave burime, Rama u ka thënë se duhet të gjejnë burime të tjera njerëzore (për nënkryetarët) që do të marrin përsipër sektorë të ndryshëm për të drejtuar bashkinë deri në zgjedhje (pa dhënë një afat).
Por, ajo që vlen për t’u përmendur është se Edi Rama është vetëm “de facto” kryebashkiak i Tiranës, pasi “de jure” është ende Erion Veliaj, i cili ndodhet në burg që prej 10 Shkurtit, pasi u arrestua nga SPAK nën akuzat për korrupsion. Ai është lënë në qeli nga të tre shkallët e gjyqësorit.
Dhe nëse Rama emëron nënkryetarët e rinjë të Bashkisë, ku sipas mediave ka kërkuar 5 nënkryetarë, duhet të jetë Erion Veliaj, ai që i duhet t’i firmosë emërimet e reja.
A do vazhdojë Erion Veliaj t’i nënshtrohet Edi Ramës, edhe pasi i “vulosi” fatin e burgosjes nga Gjykata e Lartë, dhe do të firmosë emrat e rinj që do i çojë shefi i tij, apo Edi Rama do e shkarkokojë nga detyra dhe do mbajë zgjedhje të reja shumë shpejt në Tiranë.
Erion Veliaj, gjatë kohës së qëndrimit në qeli, duket se është revoltuar vetëm një herë ndaj Edi Ramës, ku sërish “revolta” nuk zgjati as 24 orë dhe iu nënshtrua sërish.
Bëhet fjalë kur ai shkarkoi Anuela Ristanin dhe emëroi në vend të saj Sara Goxhajn. Rama ia ktheu mbrapsht shkresat, teksa më pas u hakmor, duke i shkarkuar me firmat e Ristanin, jo vetëm Sara Goxhajn nga posti i nënkryetares, por edhe të Alban Dokushit nga posti i Sekretarit të Përgjithshëm dhe në vend të tij emëroi Jonida Halilin.
Ndërkohë, vlen për t’u theksuar fakti se Edi Rama, riorganizimi e Bashkisë së Tiranës, referuar burimeve mediatike, ia ka lënë Belinda Ballukut, e njohur si rivalja kryesore e Erion Veliajt brenda PS-së.
Po sipas raportimeve mediatike, ditët e fundit Balluku ka zhvilluar intervista me drejtorët e Bashkisë së Tiranës, ku gjatë takimeve ka qenë prezente dhe mban kontakte vetëm me Sekretaren e Përgjithshme dhe jo me nënkryetarët, dhe më pas do jetë ajo e cila do vendosë se kë do shkarkojë dhe kë jo.
