SPAK ka dhënë pretencën për të akuzuarit e vrasjes së ish-policit Santiago Malko. Prokuroria e Posaçme kërkon 157 vite burg në total për 6 të akuzuarit.
SPAK kërkon:
- 32 vite burg për Leonard Dukën
- 25 vite për Erlis Dukën
- 32 vite burg për Fatmir Hyseni
- 22 vite burg për Aleksandër Manxhakun
- 23 vite burg për Oltian Loga
- 23 vite burg për Dritan Agaj
Ata akuzohen për “Vrasje me Paramendim”, “Armëmbajtje pa leje”, “Trafik Narkotikësh”, vepra këto të kryera në formën e grupit të strukturuar kriminal.
Për Lonard Dukën është kërkuar që dënimi të kryhet në një burg të sigurisë së lartë.
Më herët, për vrasjen e Malkos, i njohur si krahu i djathtë i Ervis Matinajt, janë dënuar në një proces të ndarë edhe Blendi Teta dhe Ilir Selmani.
