Prapa zonës së 9-katësheve në Tiranë, Pirro Koleka, një i afërm me kryeministrin Edi Rama ka zaptuar një hapësirë publike duke e përdorur si parkim privat.
Gjatë ditës së sotme, Koleka ka bllokuar rrugën për më shumë se 1 orë pasi një person nuk i jepte një pagesë prej 50 lekësh.
Banorët kanë lajmëruar Policinë Bashkiake për të marrë masa ndaj kësaj paligjshmërie. Por me të ardhur në vendngjarje, policët bashkiak nuk reaguan por i kërkuan me lutje Pirro Kolekës që të lironte rrugën.
Nëse nuk do të ishte i afërmi i kryeministrit Rama, me siguri Policia Bashkiake do t’i vendoste një gjobë të majme në rastin më të mirë, ose do t’i mbyllte aktivitetin e paligjshëm në qëndër të Tiranës.
