Një ngjarje e rëndë ka ndodhur ditën e djeshme në Lezhë.
Sipas policisë, një 72-vjeçar dyshohet se në kushte depresioni ka konsumuar fotoksinë në banesë. Bëhet me dije se i moshuari është transportuar në QSUT dhe ndodhet jashtë rrezikut për jetën.
“Më datë 13.07.2025, është dërguar për mjekim në Spitalin Rajonal Lezhë, shtetasi H. V., 72 vjeç, banues në Lezhë, i cili dyshohet se ka konsumuar fostoksinë, në kushte depresioni, në banesë. Ai është transportuar në QSUT dhe ndodhet jashtë rrezikut për jetën”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
