Një aksident me vdekje është regjistruar pasditen e kësaj të diele në fshatin Gryk-Çajë të Kukësit.
Autoritetet policore raportojnë se shtetasi L. Sh., 65 vjeç, banues në fshatin Çajë, dyshohet se ka humbur kontrollin mbi drejtimin e automjetit tip “Fiat”, dhe për pasojë automjeti ka dalë nga rruga.
Si pasojë e aksidentit, shoferi ka mbetur i plagosur rëndë dhe fatkeqësisht nuk ka arritur dot t’u mbijetojë plagëve të marra, duke ndërruar jetë gjatë transportimit me ambulancë për në spital.
Policia thotë se grupi hetimor ndodhet në vendin e ngjarjes dhe po punon për sqarimin e plotë të rrethanave dhe shkakut të aksidentit.
