Fluturimi i kompanisë RyanAir i parashikuar të nisej nga Aeroporti i Rinasit sot në orën 09:20, është shtyrë për në orën 11:00. Udhëtarët nuk janë njoftuar paraprakisht për këtë vonesë.
Shumë prej tyre kanë qëndruar në sallën e pritjes pa informacion të saktë mbi situatën. Pritja e gjatë ka shkaktuar shqetësim dhe irritim në mesin e pasagjerëve. Disa kanë shprehur pakënaqësinë e tyre edhe në rrjetet sociale.
Ndërkohë, kompania nuk ka dhënë ende një arsye zyrtare për këtë shtyrje.
Kujtojmë se vonesat në fluturimet e RyanAir dhe WizzAir janë kthyer në një problem të përsëritur në Shqipëri që askush nuk po tenton ti japë zgjidhje.
