Një ngjarje e rëndë ka ndodhur në fshatin Sheqishtë të Patosit ku babai dyshohet se ka abuzuar seksualisht me vajzën e tij 12 vjeçare.
Bëhet fjalë për shtetasin e identifikuar si Zamir Meta (36 vjeç) baba i 7 fëmijëve i cili dyshohet se ka abuzuar me vajzën e tij që kur ishte 5 vjeç.
Nëna e vajzës së abuzuar nga i ati në Fier rrëfen tmerrin që ka përjetuar familja e saj. Ajo tregon në emisionin “Me zemër të hapur” në News 24 se lajmi i abuzimit i erdhi si një bombë dhe se vajza e saj kaloi në depresion të thellë.
Vajza nuk i tregoi të ëmës drejtpërdrejt, por rrëfeu gjithçka në komisariat. Nëna thotë se burri ka vepruar pas krahëve të saj, ndërsa familja ka kaluar vite në Gjermani para se të kthehej në Shqipëri.
Nëna deklaroi se është çuar në 4 të mëngjesit dhe nuk e ka gjetur të bijën në banesë. Ajo tha se fillimisht mendoi se vajzën ia kanë rrëmbyer, por më tej mësoi se e mitura gjendej në komisariat, për denoncimin e abuzimit seksual.
“Mua më erdhi si bombë. Vajza kaloi në depresion. Në komisariat më tregoi vajza çdo gjë. Vajza nuk më tregonte mua, acarohej me vëllezërit dhe motrat. Ishte shumë e mërzitur. Kemi qëndruar 5 vite në Gjermani dhe ka 20 muaj që jemi kthyer. Unë nuk dija gjë, burri ka vepruar pas krahëve të mi. Në 4 të mëngjesit nuk ishte në shtëpi vajza dhe kishte ikur, pashë dritaren hapur dhe mendova se e kishin rrëmbyer, por ka ikur nga shtëpia, pasi ishte mërzitur nga abuzimi”, tha nëna e vajzës.
Lexo edhe:
“E kam bërë vetëm një herë”, babai abuzues pranon se ka kryer s*ks me vajzën e tij
Babai përdhunoi 12-vjeçaren në Patos, nëna: Vajza është abuzuar që 5 vjeç
