Një aksident i rëndë rrugor ka ndodhur në zonën e Kamenicës të Divjakës. U raportua se një automjet është përplasur me një motorçikletë, duke sjellë si pasojë vdekjen e drejtuesit të motorçikletës.
Ndërsa u bë me dije se drejtuesi i motorçikletës ka ndërruar jetë në vend, për shkak të plagëve të marra nga përplasja e fortë.
Drejtuesi i mjetit tjetër është shoqëruar për marrje në pyetje, ndërsa grupi hetimor po punon për të përcaktuar përgjegjësitë dhe për të kryer veprimet e nevojshme procedurale.
Trupi i viktimës është transportuar në morg.
