Duket se jo vetëm Tirana, por edhe çdo qytet tjetër turistik në vend janë kthyer në “vatra” prostitucioni, me shtetase nga vendet aziatike apo amerika latine.
Së fundmi, Policia e Korçës ka goditur një “vatër” prostitucioni në Pogradec, ku kanë arrestuar një shtetase kineze dhe kanë shpallur në kërkim një1 tjetër shtetase kineze.
Operacioni i koduar “Last night” është kryer pas dy muajsh hetimesh dhe në kuadër të tij është vënë në pranga shtetasja H. F., 61 vjeçe për veprat penale “Prostitucioni” dhe “Falsifikimi i monedhave”. Ndërkohë, shtetasja tjetër, C. L., 46 vjeçe, banuese në Kinë, është shpallur në kërkim dhe Policia thotë se po punohet për kapjen e saj.
Sipas autoritteve policore, dy kinezet kishin përshtatur për ushtrimin e prostitucionit, një apartament që e kishin marrë me qira në lagjen nr. 1 të Pogradecit.
Gjithashtu, është proceduar penalisht në gjendje të lirë edhe pronari i apartamentit, shtetasin L. Xh., 33 vjeç, banues në Pogradec, për veprën penale “Mbajtja e lokaleve për prostitucion”.
Në cilësinë e provës materiale uniformat blu kanë sekuestruar shuma parash të valutave të ndryshme, kartëmonedha lekë të dyshuara të falsifikuara, që iu gjetën shtetases së arrestuar dhe 4 celularë.
Policia thotë se në bashkëpunim me Prokurorinë po vijojnë hetimet pasi dyshohet se ka shtetas të tjerë të përfshirë në këtë veprimtari kriminale brenda dhe jashtë shtetit, nga ku kryheshin telefonatat dhe veprimet reklamuese për këtë veprimtari.
Materialet procedurale i kanë kaluan Prokurorisë së Korçës për veprime të mëtejshme.
