Një aksident automobilistik është regjistruar mbrëmjen e kësaj të premteje në aksin Tepelenë-Këlcyrë.
Nga informacionet paraprake mësohet se në kthesën e fshatit Mezhgoran, drejtuesi i një automjeti ka humbur kontrollin mbi makinën e tij dhe për pasojë makina ka dalë nga rruga dhe është përmbysur.
Si pasojë e aksidentit ka mbetur i plagosur drejtuesi i automjetit, shtetasi me inicialet H.L. nga Tirana, i cili është dërguar me urgjencë drejt spitalit të Gjirokastrës për të marrë ndihmë mjekësore.
Policia ndodhet në vendin e ngjarjes.
