Gjykata e Posaçme e Apelit ka shpallur sot vendimin përfundimtar për çështjen ndaj të pandehurit Sali Hasa, ish prokuror duke lënë në fuqi vendimin e mëparshëm të Shkallës së Parë, i cili e shpall atë fajtor për korrupsion pasiv në sistemin e drejtësisë.
Gjykata e Apelit të Posaçme nuk ka pranuar aplikimin për shërbimin e provës për të pandehurin Sali Hasa, duke bërë që ai të kthehet në qeli.
Sali Hasa u deklarua fajtor për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”. Dënimi total i dhënë: 3 vjet e 6 muaj burgim, i reduktuar përfundimisht në 2 vjet e 4 muaj, për shkak të gjykimit të shkurtuar (ulje me 1/3).
Ndërsa kartëmonedhat më vlerën 1,000 euro të sekuestruara gjatë hetimit, do të konfiskohen dhe kalojnë në favor të shtetit. Shuma tjetër prej 1,070,000 lekë dhe 1,000 euro do t’i kthehet të pandehurit, sipas vendimit të Apelit.
