Policia e Vlorës ka arrestuar një 21-vjeçar pasi dyshohet se shiste lëndë narkotike në doza.
Uniformat blu bëjnë me dije se gjatë kontrollit fizik, të riut Rei Kapaj, iu gjetën dhe sekuestruan 60 doza lënde narkotike të llojit cannabis sativa.
“Në lagjen “28 Nëntori”, Vlorë, u kap në flagrancë shtetasi R. K., 21 vjeç, banues në lagjen “Kushtrimi”, i cili dyshohet se e ndante lëndën narkotike në doza dhe e shiste atë në zona të ndryshme të qytetit.
Gjatë kontrollit fizik, këtij shtetasi iu gjetën dhe sekuestruan në cilësinë e provës materiale 60 doza lënde narkotike të llojit cannabis sativa.
Në përfundim të veprimeve procedurale, nga specialistët për Hetimin e Narkotikëve të DVP Vlorë, u bë arrestimi i këtij shtetasi, për veprën penale “Prodhimi dhe shitja e narkotikëve”.”, njofton policia.
