Gazetari Klodian Tomorri ka reaguar pas investigimit të publikuar nga Boldnews.al, ku Lori Hoxha, një nga trashëgimtaret e ish-pronarit të ndjerë të Top Channel, Dritan Hoxha, ka hyrë së fundmi në radhën e “invesitorëve strategjikë”, me lejen e kryeministrit Edi Rama.
Në një postim në rrjetet sociale, gazetari shkruan se të tre televizionet kombëtare, duke iu referuar Top Channel, Tv Klan dhe Vizion Plus janë tashmë “investitorë strategjik”, me leje të firmosura nga Edi Rama. Me ironi, Tomorri shkruan se tashmë është bela e madhe mos çohet edhe televizioni publik RTSH, duke kërkuar edhe ajo statusin strategjik.
Tomorri shtron pyetjen nëse a mund të ndodhë kjo në ndonjë vend tjetër të botës së tretë, teksa më tej shton:
“Është më mirë të jetosh në një Shqipëri ku qeveria gjobit median arbitrarisht, siç ishte rasti i Berishës me Top Channel apo në një Shqipëri ku qeveria i ble mediat kombëtare me statuse strategjike dhe koncesione më pak strategjike siç është rasti i Ramës me të gjithë?”
Kujtojmë se 32-vjeçarja Lori Hoxha, e cila është personazhi kryesor në drejtimin e televizionit Top Channel, ka marrë bekimin e kreut të qeverisë për të ndërtuar një strukturë të kombinuar hoteliere dhe strukturash shërbimi në qytetin e Tiranës. Vendimi është marrë nga Komiteti i Investimeve Strategjike në 10 Prill 2025, rreth një muaj para zgjedhjeve parlamentare, ku Top Channel, si përherë, u rreshtua në krah të kryeministrit Edi Rama.
Kompania përfituese e statusit të “investitorit strategjik” është “Anima Con” shpk. Shoqëria është krijuar në qershor të vitit 2022 nga nëna e Lori, Vjollca Hoxha, vejusha e Tan Hoxhës. Sipas dokumentave të konsultuar nga “Boldnews.al”, Vjollca Hoxha ia dhuron kompaninë vajzës së saj, Loreta Hoxha, në janar të vitit 2025. Më pas, shoqëria “Anima Con” aplikon për statusin e “investitorit strategjik”.
LEXO EDHE: Rama shpall Lori Hoxhën “investitore strategjike”. Pronarja e Top Channel, kompleks në Tiranë
Reagimi i plotë i gazetarit Klodian Tomorri:
“Ne Shqiperine e Rames te tre mediat kombetare jane investitore strategjike
Shqiperia ka 4 televizione kombetare. Tre private dhe RTSH. Te tre televizionet kombetare tashme jane investitore strategjike. Kurse RTSH eshte strategjik e shkuar strategjikut.
E para nga mediat qe u be investitor strategjik ishte Vizion Plus me resorte ne Gjirin e Lalzit dhe ne Jug.
Pastaj i erdhi radha, TV Klan, ndonese ketij ne menyre indirekte. Behet fjale per projektin White Roads ne Palase. Ne momentin qe u dha statusi, pronar i kompanise ishte Gjikuria. Por hajde gjeje, perfituesin fundor sic thote ligji, ose pronarin faktik sic thote SPAKU.
Tani erdhi dhe e treta e verteta. Sot qeveria beri me status strategjik edhe pronaret e Top Channel. Belaja e madhe tani eshte, mos na cohet dhe RTSH dhe na kerkon edhe ajo status strategjik.
A mund te kete vend ne boten e trete qe ndodh kjo?
Turizem i madh plako. Turizem i madh gjithandej. Si do ta perballojme gjithe kete fluks turistik, eshte halli.
Megjithate dilema e madhe eshte kjo.
Eshte me mire te jetosh ne nje Shqiperi ku qeveria gjobit median arbitrarisht sic ishte rasti i Berishes me Top Channel apo ne nje Shqiperi ku qeveria i ble mediat kombetare me statuse strategjike dhe koncesione me pak strategjike sic eshte rasti i Rames me te gjithe?
Shqiperia e pare eshte gjalle dhe reziston. E dyta jeton ne nje realitet te rreme. Ose farse, sic ka qejf ta quaje Berisha.”
