Një 32-vjeçar nga Tetova është arrestuar në Durrës, pasi ishte në kërkim ndërkombëtar.
Bëhet fjalë për Ermir Sadiki, i cili kërkohet nga drejtësia në Maqedoninë e Veriut, pasi është dënuar nga Gjykata e Tetovës me 12 vite burg, për vjedhje me dhunë.
Në shkurtin e 2023-shit, Sadiki ka hyrë në një banesë gjatë natës në fshatin Prshovcë të Tetovës duke sulmuar fizikisht të zotin e shtëpisë dhe duke i marrë një shumë parash.
Sakaq, vijojnë procedurat për ekstradimin e 32-vjeçarit nga Shqipëria në Maqedoninë e Veriut.
“Në qytetin e Durrësit, shërbimet e Drejtorisë së Forcës së Posaçme Operacionale, në bashkëpunim me shërbimet e DVP Durrës, bënë të mundur lokalizimin dhe arrestimin e shtetasit Ermir Sadiki, 37 vjeç, banues në Tetovë, Maqedonia e Veriut.
Ky shtetas ishte shpallur në kërkim ndërkombëtar pasi Gjykata Themelore e Tetovës e ka dënuar në mungesë, me 12 vjet burgim, për veprën penale “Vjedhja me dhunë”, parashikuar nga Kodi Penal i Maqedonisë se Veriut.
Në muajin shkurt 2023, shtetasi Ermir Sadiki ka hyrë gjatë natës, në një banesë në fshatin Prshovcë, Tetovë, ka sulmuar fizikisht pronarin e banesës, duke i shkaktuar dëmtime të rënda, dhe i ka marrë një shumë parash“, thuhet në njoftimin e policisë.
Vijojnë procedurat me qellim ekstradimin e këtij shtetasi në Maqedoninë e Veriut.
