Sali Berisha, gjatë një konference me gazetarët tha se ndaj ekipit të vëzhguesve të OSBE-ODIHR për zgjedhjet parlamentare të 11 Majit është bërë në mënyrë konkrete, presion antiligjor dhe antidemokratik.
Sipas Berishës, në këtë fushatë presioni është i implikuar vetë personalisht Edi Rama dhe ministri i Jashtëm, Igli Hasani. Lideri demokrat tha se ministri Hasani ka thirrur në zyrë përfaqësuesit e misionit të vëzhguesve, pasi u kishte dërguar mesazhe kërcënuese dhe u kishte kërkuar llogari për frazat e përdorur në raportin paraprak të zgjedhjeve të 11 Majit.
Më tej, Berisha deklaroi edhe se shqiptari Dritan Gjika, i cili konsiderohet si kreu i një karteli të fuqishëm droge në Ekuador dhe u arrestua muajin e kaluar në Emiratete e Bashkuara Arabe, është i lidhur me Edi Ramën dhe Ergys Agasin. Po ashtu, Berisha i lidhi kartelet shqiptare të drogës edhe me vrasjen e kandidatit të opozitës për president në Kolumbi.
Sali Berisha: Në mënyrë konkrete, presion antiligjor, antidemokratik është bërë ndaj ekipit të vëzhguesve të OSBE-ODIHR dhe unë këto i kam denoncuar në të gjitha instancat ndërkombëtare dhe publikisht. Dhe në këtë fushatë presioni është i implikuar, vetë personalisht Edi Rama dhe ministri i tij i Jashtëm, Igli Hasani. Unë kam informuar se, ky i fundit ka thirrur në zyrë përfaqësuesit e misionit të vëzhguesve, pasi ka dërguar mesazhe kërcënuese dhe u ka kërkuar llogari për frazat, se këta janë ai sekt që besojnë gënjeshtrat e tyre. Këta besojnë gënjeshtrat e tyre, këta jetojnë me një realitet që nuk ekziston. Ai përdor 500 mln euro prokurorime, në periudhën që nuk lejon ligji. Ai shpërndan 76 mln euro në periudhën që nuk e lejon ligji. Ai fal gjobat 200 mln në periudhën që nuk e lejon ligji. Ai punëson mbi 10 mijë persona në periudhën që nuk e lejon ligji. Ai ka firmosur me dhjetëra mijëra leje legalizimi, certefikata pronësie dhe leje ndërtimi, në periudhën që nuk e lejon ligji. Që të gjitha për vota. Ai ka dhënë licenca për një sipërfaqe 140 herë më të madhe për mbledhje kanabisi, në kundërshtim flagrant me ligjin. Janë përdorur të gjitha. Do vij unë këtu para jush, se këtu po bëhet gjyqi ndërkombëtar i një farse elektorale. Ai ka përdorur dhjetëra mijëra punonjës të administratës, me fuqinë e postit të tyre duke mikluar dhe kërcënuar qytetarët për votë. Por ai siç e dini, ka përdorur bandat më të rrezikshme të cilat tashmë, janë bërë famëzeza edhe në atentate politike ndërkombëtare, siç ishte vrasja e kandidatët të opozitës në Kolumbi. Mos harroni se Dritan Gjikat i kanë fijet tek Gys Agasi dhe Edi Rama. Tek Pojat, tek Çelët. Para 1 jave u godit kandidati për president në Kolumbi dhe presidenti tha, mafia shqiptare, tregoi dhe emrin e personit. Njerëzit e lidhur me Edi Ramën janë rrezik ndërkombëtar sot. Kështu që nuk mundet më, iku kjo kohë. Por këta, kur nuk ke turp, bëhet çdo gjë dhe thuhet çdo gjë. Në këtë raport e vetmja që e përmend është ajo, të tjerët se përmendin dot. Të tjerët mbetën dy javë duke cituar z. Andreas Schieder. Ai është një europarlamentar, një socialist, nuk përfaqëson raportin ai. Mendimet e tij i ka në raport. I ka votuar. Këto që po lexoj unë ju, kanë votën e tyre, janë unanime. Popullor dhe socialist janë të votuara. Sidomos z. Andreas Schieder, që është edhe reporteri për Shqipërinë.
