Gazetari Klodian Tomorri ka reaguar lidhur me qëndrimin e kryeministrit Edi Rama ndaj kërkesës së gjyqtarëve për rritjen e pagave me 700 euro.
Tomorri lë të kuptojë se e gjitha kjo është një lojë pasi kryeministri Rama i ka në dorë të gjithë.
“Ore, ti vetëm një fishkëllimë t’u bësh atyre, i mbushin brekët të gjithë: gjyqtarë, prokurorë, avokatë, pastrues gjykatash, roje, e çfarë të duash. Jo, më dalin e më kërkojnë rritje pagash si gangsterë”– shprehet Tomorri.
Postimi i plotë:
Po kur bën sikur është i shqetësuar që gjyqtarët po kërkojnë rritje rrogash? Është gjigand, ore, gjigand! Domethënë, që “nuk i kam në kontroll unë këta”, kërkojnë rritje pagash me kokën e tyre.
Ore, ti vetëm një fishkëllimë t’u bësh atyre, i mbushin brekët të gjithë: gjyqtarë, prokurorë, avokatë, pastrues gjykatash, roje, e çfarë të duash. Jo, më dalin e më kërkojnë rritje pagash si gangsterë!
Ku bëhet gjë në këtë vend pa marrë leje nga ti, ore?
Ai Winy Maas kishte thënë dje që e kishte parë Ramën duke vizatuar fasadat e kullave. I kishte shpëtuar të shkretit, se u nis për mirë – donte të vinte në dukje sa shumë punon ti – por i doli nga krahu tjetër.
Ti cakton edhe ngjyrat e kullave, na dolën gjyqtarët të pavarur!
Lëri këto shaka të vogla dhe merrja Dukës dhe Federatës, se s’po fitojmë dot asnjë ndeshje më!
