Kandidati i Partisë Demokratike për Tiranën, Et’hem Aga ka shpërthyer me akuza të forta ndaj qeverisë dhe mazhorancës socialiste, për lidhjet e saj me krimin.
Aga thekson se shqetësimi kryesor për të është rritja e aktiviteteve kriminale të bandave në Shqipëri, duke e cilësuar këtë fenomen si një skandal që nuk ka precedent në asnjë vend tjetër të botës, përfshirë edhe Francën, ku ai ka jetuar për 35 vite.
Sipas tij, Shqipëria është e përfshirë në një situatë ku grupet kriminale operojnë hapur, duke u bërë pjesë e një sistemi të korrupsionit të thellë që po minon çdo shans për zhvillim dhe integrim.
“Unë vendosa të kandidoj për PD, sepse jam pjesë e PD që në fillesat e saj. Vendosa që të angazhohem dhe kam bërë mirë që jam angazhuar. E pashë realitetin shqiptar me sytë e mi. Jo vetëm ajo që shihet, por edhe ajo që nuk shihet është problem në këtë vend.
Shqetësimi im është sesa Troplin ka në Shqipëri. Në Francë kam jetuar 35 vite dhe s’kam parë asnjëherë këtë lloj gjëje që ka ndodhur këtu.
Ne në botë nuk kemi parë kurrë grupe kriminale, që të punojnë për qeverinë. Ky është një skandal dhe kjo është diferenca që unë kam parë gjithë jetën time”, tha Aga në ‘Task Force’ në syritv.
