Seanca e sotme stërvitore e Kombëtares shqiptare ka sjellë një lajm shumë të mirë për kuqezinjtë. Pas mungesës në stërvitje në ditët e kaluara, në stërvitje me pjesën tjetër të ekipit është rishfaqur Rey Manaj.
Futbollisti ka kaluar një situatë gripale në ditët e kaluar dhe stafi mjekësor e kishte lënë pushim futbollistin, që të mos përkeqësohej gjendja e tij.
Për më tepër, një natë më parë Manaj kishte shkuar edhe për vizitë më të specializuar në një qendër spitalore në kryeqytet.
Por në seancën e sotme të pasdites, Manaj është bashkuar rregullisht me skuadrën duke zhvilluar ushtrimet, sinjal i qartë se do të jetë në dispozicion të trajnerit Silvinjo për duelin e të shtunës dhe kandidat i fortë për një vend mes titullarëve.
Kujtojmë që Shqipëria do të përballet me Serbinë të shtunën e 7 qershorit, në kuadër të kualifikueseve të Botërorit 2026. Sfida që do të zhvillohet në stadiumin “Arena Kombëtare”, do të nisë në orën 20:45.
