Policia e Tiranës ka arrestuar një person, i cili akuzohet se ka thyer masën e sigurisë “Arrest në shtëpi”, pasi ka shkuar dhe ka vjedhur një automjet, teksa gjatë ndjekjes nga Policia, ka braktisur automjetin e vjedhur dhe ka tentuar të arratisej.
Në pranga është vënë shtetetasi Drilon Çuni, 36 vjeç, banues në Tiranë, i dënuar më parë për vjedhje, teksa aktualisht ndodhej sërish me masë sigurie “Arrest në shtëpi”, për veprën penale “Vjedhja”.
“Ky shtetas ka thyer masën e sigurisë dhe ka vjedhur një automjet në rrugën “Siri Kodra”. Shërbimet e Policisë Rrugore i është kanë bërë shenjë për ndalim, në rrugën “Siri Kodra”, por ai nuk i është bindur urdhrit të tyre dhe ka vijuar lëvizjen me shpejtësi. Shërbime të tjera policie janë vënë në ndjekje të shtetasit Drilon Çuni, deri në aksin rrugor “Rinas-Tiranë”, ku ai ka braktisur automjetin e vjedhur dhe ka tentuar të largohet, por është kapur dhe vënë në pranga.” – thuhet në njoftimin e autoriteteve.
Materialet procedurale i kanë kaluar Prokurorisë së Tiranës për veprime të mëtejshme.
