PSG ka shënuar golin e katërt përballë Interit, në sfidën e vlefshme për finalen e Champions League.
Pas një kundërsulmi vrastar në minutën e 73-të, Kvaratskhelia realizon lehtësisht përballë Sommer për 4-0, duke bombarduar ekipin italian.
Për PSG, më herët Doue realizoi në minutën e 60′ golin e tij të dytë personal dhe të tretin për ekipin e tij.
Sa i përket pjesës së parë ajo u dominua totalisht nga parisienët duke gjetur dy gola të shpejtë ndaj ekipit italian, i cili u duk pothuajse i dorëzuar përballë presionit në rritje të PSG-së.
Francezët kaluan fillimisht në avantazh me Achraf Hakimi, në minutën e 12′, ndërsa për dyfishimin e shifrave në të 20′ mendoi Desire Doue, pas një kundërsulmi ‘vrastar’ të asistuar nga Dembele.
