Gazetari Artan Hoxha shprehet se Edi Rama ka përjashtuar gjatë këtyre zgjedhjeve 45 deputetë.
Duke bërë një krahasim me deputetët e mëparshëm të PS-së, Hoxha u shpreh se, Rama ka hequr profesorët dhe ka futur mafiozët dhe ordinerët në parlament.
“Deputeti Balla tani foli si deputet i 2021. Në shtator do ta kesh si deputet të 2025.
Se do të kesh Tërmetin aty.
Ikur koha kur Tepelenën e përfaqësonte profesor Ethem Ruka, tani do e përfaqësojë doktor Tërmet Peçi.
Iku koha kur Fierin e përfaqësonin ata që ishin socialistë 24 karatë, ishin profesorë, inxhinierë, tani ka ardhur Zegjineja.
Ky do të jetë parlamenti në shtator.
Lideri sot ishte në Gjermani me halle globale. Ne do merremi me këto këtu.
Në 2013 e mbani mend si hyri ai, i kishte vetë personazhet që vinin nga krimi. U shpik dekriminalizimi, po ai e bëri që ti largonte se ju bënë barrë atij, se po kërcënonin atë vetë.
2017 e mori me hashashin e 2016. Këtë ja faturoi ministrit dhe ca drejtorëve të policisë dhe e mbylli.
2021 si e mori, shpiku OFL e famshme dhe u çoi një faturë te dera këtyre të botës së nëndheshme. Çfarë bënë ata, i dhanë mandatin e tretë. Çfarë u bë në 2021 ne e shohim sot në dosjet që shkojnë në SPAK.
Si e mori mandatin e 4-të? Tani përdori këto strukturat e reja, Task Forcen e mbështetur nga ambasadorët kryesorë te vendeve të BE-së, të cilët na dhanë garanci se nuk do preket vota, se janë këta.
Në fakt ata ishin certifikuesit e rezultatit. Ata dolën garant, ju do e hani këtë radhe dhe ju nuk do bëni zë. Tani jemi para faktit të kryer.
Tani në burg mund të fusësh këdo, por mandatin nuk ja heq dot.
Ai do ti çojë vetë te thertoret, të gjithë. Nuk ja kapëm, i dorëzoi vetë.
Nëse sot ne do të merremi vetëm me atë poshtë dhe nuk merremi me problemin e vërtetë.
I hodhi një sy listës së deputetë të rinj, ka larguar 45 deputetë nga 74 dhe i ka hedhur si lecka dhe u tha mbylleni dhe gojën.
Të mbash tek lista e mbyllur njerëz që janë subjekt i hetimeve të SPAK se ke ministra aty brenda, dhe të dalësh më i fortë, nuk e di se çfarë po ndodh këtu më” tha Artan Hoxha në SYRI TV.
