Kreu i PD-së Sali Berisha duke folur për mediat pas mbylljes së seancën parlamentare, u shpreh se maxhoranca zgjodhi të ikte në vend që të dëgjonte argumentet e opozitës për zgjedhjet e 11 Majit. Duke shtuar se Kuvendi është kthyer në një bodrum të mafies ku nuk respektohet asnjë rregull. Berisha përsëriti se opozita nuk do ta pranojë rezultatin e zgjedhjeve.
“Kjo ndodh kur parlamenti shndërrohet në një bodrum të mafies. Parlamenti nuk respekton asnjë rregull as të rregullores, as Kushtetutën, as ligjet.
Parlamenti përdoret si një dyqan privat i partisë së krimit dhe kjo ishte një seance nga më të turpshmet ku pas një farse elektorale të paprecedent, në vend që qytetarët të dëgjonin të gjithë faktet, argumentet e opozitës për atë çfarë ndodhi më 11 Maj, këta ia mbathin brenda disa minutash. Ja shiheni, ikin, ikin.
Dhe ua thashë edhe në parlament, ishte shumë më e drejtë që në parlament të vijnë bosët e karteleve se sa këta. Se ata janë të vërtetë, kurse këta janë thjesht shërbëtorë ët tyre. Megjithatë, ajo që duhet të garantoj shqiptarët, vendosmërinë e palëkundur të opozitës të mbrojë kauzën e drejtë të tyre për votën e lirë”, tha Berisha.
Berisha nga Kuvendi: Më e ndershme që këtu të ulej Troplini, Hajri, Çela, Bajri e Arben Qimja
Ndërkohë seanca e sotme e Kuvendit zgjati vetëm 20 minuta. PD kërkoi një orë diskutim jashtë rendit të ditës, por PS e rrëzoi duke shkaktuar debat.
