Gazetari Enton Abilekaj, kritikoi SPAK për mungesën e efikasitetit në goditjen e krimit brenda Shqipërisë, duke ngritur dyshime për dekonspirim në operacionin “Ura” dhe duke sugjeruar se nëse reformat nuk funksionojnë, drejtësia shqiptare duhet të mbështetet te prokuroritë e huaja.
“Është e kotë të diskutojmë kur e kanë vendosur SPAK dhe antimafia, por nëse është vendosur nga të dyja palët… Ngaqë nuk janë gjetur këta, Visi i Pojës, mund të ketë dyshime për dekonspirim.
SPAK nuk varet nga Prokuroria italiane, por është strukturë e ndërtuar në Shqipëri. Aktiviteti kriminal nuk lidhet me kur zbulohet në Itali. Ne duhet ta zbulojmë në Shqipëri. Ne e dinim në Shqipëri se çfarë bënte ky grup. Duhet ta bënte me Italinë që të arrestoheshin këta?
Nëse ne tregojmë se pas strukturave që u krijuan dhe reformave, nuk luftojmë dot krimin, mos të merremi me reforma kot, të binjakëzohemi me prokuroritë e botës.”
