Sali Berisha, i ftuar në News24, ka deklaruar se zgjedhjet e 11 majit kanë qenë një farsë elektorale e paralajmëruar edhe nga rezoluta ndërkombëtare, por theksoi se këtë gjë nuk mund ta thoshte gjatë fushatës elektorale për shkak se dekurajonte mbështetësit.
Por, sipas Berishës, Edi Rama nuk largohet nga ndërkombëtarët, por vetëm me lëvizje popullore nga shqiptarët, pasi sipas tij, diktatorët rrëzohen vetëm nga brenda.
Në lidhje me fushatën elektorale, Berisha tha se ka qenë më profesionalja dhe më e përkushtuara e jetës së tij.
Berisha: Sot jemi para faktit të pamohueshëm, jo për deklaratën time, por për një numër të dokumenteve themelore ndërkombëtare që faktojnë se Shqipëria zhvilloi një farsë elektorale. Nëse statute u referohet zgjedhjeve, Shqipëria nuk pati zgjedhje por farsë elektorale.
Kjo ishte një farsë elektorale e paralajmëruar, pasi në katër rezoluta ndërkombëtare në 6 muajt e fundit, Shqipëria u identifikuar si vendi që zhvillon farsë elektorale. Këto zgjedhje u zhvilluan në kushte të një terrori të paparë ndaj liderëve opozitarë. Shteti ligjor nuk mbahet më për shkak të kapjes së drejtësisë dhe mosndëshkimit.
Në fushatë elektorale kurrë mos të presë kush që unë të lëshoj gjysmë fjale që dekurajoj mbështetësit e mi. Unë kam punuar në këtë fushatë në mënyrën më profesionale dhe më të përkushtuar të jetës time. Kurrë nuk kam bërë një fushatë si kjo. Kam paraqitur në këtë fushatë programin absolut të jetës time. Kam marrë në këtë fushatë krye ekspertin e botës, Chris LaCivita, kam bërë gjithçka që duhej të bëja për të qenë totalisht i përkushtuar me vetëdijen e plotë se me Edi Ramën nuk ka zgjedhje. Krahas tyre që kam bërë, është edhe rezoluta e 30 prillit, që i dënon zgjedhjet në mënyrë përfundimtare.
Në mënyrën më të shpeshtë, unë kam deklaruar se do të mbroj votën. Të paktën e kanë kuptuar deklaratën time. Kur skam pas ndërmend të mbroj votën me kallashnikov, por duke bërë gjithçka, kemi një raport ndërkombëtar ku rreshtohen 35 damkosje përfundimtare të këtyre zgjedhjeve për ata që njohin Kartën e Kopenhagës dhe Kodin e Venecias. Edi Rama ikën nga shqiptarët, nuk ikën nga ndërkombëtarë. Diktatorët rrëzohen vetëm nga brenda, vetëm me lëvizje popullore, nuk rrëzohen me votë.
