Është gjetur i djegur automjeti që dyshohet se u përdor nga autorët e vrasjes së 29-vjeçarit Ermir Dedja, i cili u ekzekuta me armë zjarri në lagjen nr.18 të qytetit të Durrësit pak pas mesnatës së të hënës (20 Maj).
Efektivët deklarojnë se kanë gjetur në afërsi të fshatit Gërdec një makinë të djegur. Gjithashtu, brenda në mjet është gjendur edhe një armë, që dyshohet se është përdorur në atentat.
“Në vijim të kontrolleve dhe të veprimeve hetimore që po kryhen nga grupi i posaçëm hetimor, në drejtimin e Prokurorisë, me qëllim zbardhjen e rrethanave të ngjarjes së ndodhur më datë 20.05.2025, rreth orës 00:50, në lagjen nr. 18, ku dyshohet se u vra me armë zjarri shtetasi E. D., 29 vjeç, shërbimet e Policisë së Durrësit, në bashkëpunim me shërbimet e Policisë së Tiranës, kanë gjetur në fshatin Gërdec, një automjet të djegur dhe brenda tij një armë zjarri, të cilat dyshohet se janë përdorur nga autorët e kësaj ngjarjeje”, njofto policia.
Grupi hetimor, në drejtimin e Prokurorisë, vijon punën për zbardhjen e rrethanave të ngjarjes dhe sigurimin e çdo prove që do të çojë në identifikimin dhe kapjen e autorëve.
Viktima Ermir Dedja rezulton se është ndjekur nga pas dhe është qelluar sapo ka parkuar makinën e tij tip “BMW”.
Në zone ai kishte disa miq të tij të cilët janë marrë në pyetje, por ende nuk kan identifikuar autorët.
Lexo edhe:
Atentat në Durrës/ Kush është i riu që u ekzekutua me automatik, autori në arrati (EMRI-PAMJET)
