Mbrëmë “San Siro” bëri histori, dhe jo vetëm në fushë, me atë fitore të bukur të Interit dhe finalen e Champions-it të arritur duke eliminuar Barcelonën.
Zikaltërit ishin shumë të fortë mendërisht kundër Blaugranave. Ata e shpenguan humbjen kundër Atletico Madridit, e cila erdhi vitin e kaluar me penallti pas 120 minutash.
Mbrëmja Inter-Barça, me 75,504 spektatorë dhe një atmosferë shumë të nxehtë nga fillimi deri në fund, në fakt ka rishkruar rekordin e të gjitha kohërave të biletave për Interin dhe për futbollin italian.
Il Messagero konfirmon se shifra prej 12.5 milionësh nga derbi i gjysmëfinales së Champions-it u tejkalua, me një rezultat historik dhe epik: 14.675.293 euro të mbledhura, shifra të paimagjinueshme për një ndeshje që ofroi një spektakël absolut.
