Florentino Perez ka disa muaj që mendon nëse Carlo Ancelotti duhet shkarkuar apo jo nga Real Madrid.
Cadena SER shkruan se tekniku italian ishte në rrezik serioz në nëntor pas humbjeve të njëpasnjëshme kundër Barcelonës dhe Milanit, por fitorja me Gironën qetësoi situatën, edhe pse përkohësisht.
Paraqitjet e Real Madridit në Evropë e kanë zhgënjyer shumë presidentin e Real Madridit. Pas dy sfidave delikate me Atletico Madrid (fitore e ngushtë me penallti), Real Madrid dështoi me Arsenalin në Champions League.
Disfata me londinezët ishte e turpshme dhe Perez nuk ia fal trajnerit këtë. Ky qe momenti kur nisi krisja përfundimtare dhe kur Perez nisi të mendojë emrin Xabi Alonso.
