E gjithë bota e futbollit është me sytë në “San Siro” ku nesër do të luhet Inter-Barcelona. Nga ky takim do të vendoset një prej finalistëve të Champions.
Sfida e parë kujtojmë se u mbyll me barazim 3-3.
Ndërkohë teksa ndodhej në Majemi për Çmimin e Madh të Majemit në Formula 1, Presidenti i FIFA-s, Gianni Infantino u pyet dje për të preferuarin e tij.
“Të gjithë e dinë se jam një tifoz i Interit”, u shpreh Infantino ndërsa kjo deklaratë ndërkohë nuk është pritur aspak mirë nga tifozët e Barcelonës.
Presidenti i FIFA-s e ka pohuar edhe vite më parë se mbështet zikaltrit.
