Kandidati i koalicionit PD–ASHM për qarkun e Tiranës, Ethem Aga ka postuar në Facebook, takimet e tij elektorale në Farkë.
Aga shkruan se kryesorja është që votohet PD në jo për një rrotacion emrash dhe logosh politike, por për ndryshimin e mendësisë qeverisëse dhe qasjes ndaj qytetarit.
“Pa vulë, pa logo, sanksione të lobeve të errëta, burgosje politike të liderit Sali Berisha. Kundërshtari mendoi fundin, por bindja, vendosmëria e çdo demokrati dhe ndryshimet ndërkombëtare gjeopolitike i dhanë PD-së atë që ishte e saj: vlerën, krenarinë dhe mundësinë për tu përballur kokëlart me zgjedhësit tanë”, shkruan ai.
Ndërsa në fund Aga shkruan se i ka jkërkuar të rinjve që të mos largohen nga vendi, sepse fatin e kanë në dorë me votën e tyre.
Postimi i plotë:
Edhe një javë pritje për Shqipërinë Madhështore
Ata numërojnë ditët e fundin, ne presim fillimin. Sot ishte një ditë e zakonshme fushate për rutinën që ka kapur politikën, por për mua personalisht dhe forcën politike çdo ditë është ndryshe, çdo orë sjell shpresë.
Në takimin e zhvilluar në Farkë, i pranishëm ishte Sekretari i Përgjithshëm i Partisë Demokratike Flamur Noka. Folëm jo vetëm për problemet e shumta të qeverisjes 12-vjeçare, por mbi të gjitha për zgjidhjen e tyre.
I nderuar për mbështetjen e zotit Noka në këtë takim, ku thirrja kryesore ishte që të votojmë PD-në jo për një rrotacion emrash dhe logosh politike, por për ndryshimin e mendësisë qeverisëse dhe qasjes ndaj qytetarit. PD pësoi për katër vite sulme nga çdo anë.
Pa vulë, pa logo, sanksione të lobeve të errëta, burgosje politike të liderit Sali Berisha. Kundërshtari mendoi fundin, por bindja, vendosmëria e çdo demokrati dhe ndryshimet ndërkombëtare gjeopolitike i dhanë PD-së atë që ishte e saj: vlerën, krenarinë dhe mundësinë për tu përballur kokëlart me zgjedhësit tanë.
Në mëngjes pata takim me të rinjtë, pashë shpresë, dëshirë për ndryshim dhe vendosmëri për të mos u mposhtur. Në drekë takova gra, nëna të mira me barrën e shtëpisë mbi supe.
Pasdite një takim i madh me banorët e Farkës. U kërkova të rinjve që të mos largohen nga vendi, sepse fatin e kanë në dorë me votën e tyre. U shpjegova programin 200 euro pensioni minimal, 500 euro paga minimale, 1200 euro paga mesatare.
Ulje me 40 % të çmimit të naftës, ulje 30 % të çmimit të energjisë. Zgjidhje përfundimtare të problemit të pronave dhe legalizimeve dhe zhdukjen e fenomenit të 5 lloje policësh dhe inspektorësh që dënojnë qytetarët për një avlli, stallë bagëtish e kotecë pulash.
11 Maji nuk është vetëm një datë zgjedhjesh, por ditë që do të ndajë dy epoka qeverisjeje dhe mbi të gjitha mendësie për t’i rikthyer vendit mirëqënie, dinjitet, ripopullim dhe liri.
Zgjedhjet janë pranë, zgjidhja është Numri 1.
