Po luhet në stadiumin olimpik të Katalonjës, sfida e parë gjysmëfinale mes Barcelonës dhe Inter-it teksa po luhet minuta e 73-të janë shënuar plot 6 gola me ndeshjen e cila është në barazim 3-3.
Supersfida ka nisur direkt me gol dhe janë zikaltrit ata që kanë gjetur të parët rrjetën.
Pas një kundërsulmi të shpejtë, Danzel Dumfries kroson në zonë për Marcus Thuram, francezi dërgon topin në rrjetë me finte, që në sekondën e 33-të.
Në minutën e 20-të, Inter shënoi edhe golin e dytë, pas një krosimi të Hakan Calhanoglu nga goditja e këndit, Acerbi me kokë asiston për Danzel Dumfries, holandezi dërgon topin në rrjetë me stil “gërshëre”.
Në minutën e 24-të, Barcelona kundërpërgjigjet me Lamine Yamal, djaloshi spanjoll shënon një gol shumë të bukur.
Në minutën e 38-të, Barcelona barazon shifrat me Ferran Torres. Një top i bukur i Pedri-t në zonë për Raphinha-n, braziliani asiston me kokë për Torres, i cili dërgon topin në rrjetë duke barazuar shifrat.
Në minutën e 63-të, Calhanoglu kroson nga goditja e këndit, Dumfries i shpëton mbrojtjes së Barcelonës dhe shënon golin e tretë për Inter-in dhe të dyton personal.
Një minutë më pas, Barcelona kundërpërgjigjet me Raphinha-n, braziliani me një goditje të fortë bën që topi të përplaset në traversë dhe më pas në shpinën e Sommer dhe të përfundojë në rrjetë.
